Egubakoitz honetan, Gurel Guraso Elkarteak antolatuta, itzal-antzerki tailerra izango da Gatzagako ludotekan. Eñaut Gorbea arituko da saioa eskaintzen, eta, teknika ezberdinak erakutsiko dizkie izena eman duten bederatzi haurrei. 17:00etan hasiko da saioa, eta Gaba Beltzaren aitzakian antolatutako hitzordua izango da.
Gaba Beltzaren aitzakian antolatutako egitarauaren barruan egingo dute itzal-antzerki tailerra. Antzeztutako efektu optikoan oinarritutako itzal-jolas batean jatorria duen teknika da, eta efektua eskuak edo objektuak argi-iturri baten aurrean ipini eta beren itzalak horma edo pantaila batean proiektatzean datza, honela eskuen nahiz objektuen mugimenduekin horma eta pantailetan figura estatiko edo mugimendudunak islatuz.
Domekan, etxez-etxe eskean
Horrekin batera, domekan, urriaren 31n, Gaba Beltza ospatuko dute herriko neska-mutikoek. Hain zuzen ere, etxez-etxe arituko dira eskean, aurpegia margotzeko tailerra egin ostean.
