Bi modalitate eskaintzen ditu Gatzagako Udalak, iaz moduan: batetik, norberak egurra moztu, batu eta garraiatu dezake, baina tasak ordaindu beharko dituzte modu honetan egiten dutenek. Bestetik, egurra etxean jaso dezake nahi duenak. Kasu honetan, baina, egur-sorta bati dagokion kantitatea izango da; tamaina edozein dela ere, lanaren kostua eta tasak ordaindu beharko ditu herritarrak. Interesa duenak urriaren 29a aurretik eman beharko du izena udaletxean, eta aukeratu duen modalitatea aipatu.