"Paseko ehizarako lau zona ditugu eta horietan hauek atera ditugu enkantean: Dominagan sei, Landan hiru, Pagoederren sei eta Retrankan hiru. Kasu honetan, postu horiek lau urterako hartzen dituzte interesdunek, eta beste lau urte luzatu daitezke, hogei urtera arte. Edozelan ere, zenbait kasutan, atzera egiten dute erabiltzaileek, eta jendaurrean jartzen ditugu", dio Juanito Bengoak, Leintz Gatzagako Udaleko Mendietako zinegotziak.
Oilagorretarako hamar postu
Oilagorretan aritu nahi dutenentzat, berriz, hamar postu daude Leintz Gatzagan. Horietatik bi postu herritarrendako izaten dira eta beste zortzi enkantera ateratzen dituzte –informazio gehiago, leintzgatzaga.eus webgunean–.
