Agirre anaien saioak garai bateko eta gaur egungo bertso jarriak berreskuratu eta musikaren laguntzaz aurkezten ditu. Lan horretan bidelagun, musikari gisa, Imanol Kamio izango dute alboan; teklatuarekin arituko da hura.
Hileko kultura ekitaldi nagusia
Gatzagako Udalak urtarrilean jakinarazi zuen moduan, hilero ekitaldi bat, behintzat, antolatzea du helburu. Hori horrela, maiatzeko kultura agendaren barruan hitzordu garrantzitsuena zapatu honetakoa izango dela adierazi du Beñat Agirreurretak, Kultura zinegotziak: "Sarrera doakoa izango da, baina 80 pertsonako muga jarri dugu. Hilabete honetako lehenengo hitzordua izango da, eta ekainerako ere ari gara beste hitzordu bat prestatzen. Sanjuanen baitan izango dugu zerbait…".