Makila Korta jaia izan zen atzo, zapatua, Gatzagan. Jai herrikoa izan zen, eta goizean egindako paseoarekin, eta ginkanarekin eta arratsaldean izan ziren kontzertuek emandakoarekin pozik agertu dira antolatzaileeak.
Gatzagako Udalak, Gatza City Krew gazte taldearen laguntzarekin antolatutako egunari hasiera emateko, mendira paseoa egin zuten. Hain zuzen ere 12 lagun batu ziren Makila Kortara egindako mendi bueltara, eta bertan ginkana herrikoia egin zuten. "Jende asko ez ginen igo, eta gazteak izan ginen, soilik, animatu ginenak. Han jolas batzuk egin, hamarretakoa, eta beherantza egin genuen", adierazi du Garazi Orobengoa zinegotziak.
Arratsaldean, 17:00etan, berriz, Azken Sustraiak eta Talka taldeen kontzertuak izan ziren, eta segurtasun neurri guztiak errespetatuta saio ederraz gozatzeko aukera izan zuten bertaratutakoek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak