Hauek izan dira herriko txokoetan zehar asmakizun bidez landu dituzten zuhaitzak: Urritza, intxaurrondoa, gereziondoa, zipresa, artea, aritza, pagoa, okaran japoniarra, hagina, zumarra, eta bananondoa. Mapa elegante bati jarraiki, herriko zuhaitzetara inguratu dira eta horietako bakoitzean gutunazal bat zeukaten zain, barruan zuhaitzari zegokion asmakizun batekin. Ez hori bakarrik, mapako gune batetik bestera joan aurretik erronka bat gainditu behar zuten, ginkana estiloko jokoak eginez: begiak itxita, hankak lotuta, tunel baten antzera taldekideen azpitik igarotzen...
Gozatu ederra hartu dute gazteek. Hiru eta lau laguneko taldetan aritu dira ginkana osatzen, talde bakoitza bere kasara. Baina ginkanako azken puntuan Gatzagainen batu dira talde guztiak, eguneko azken erronka egiteko; zuhaitz landaketerako, alegia. Bi makatzondo eta bi sagarrondo landatu dituzte, goiz pasari amaiera ederra emanez.
