Alizia Saez de la Cuesta preso gatzagarra, Euskal Autonomia Erkidegoko edo autonomia-erkidego horretatik gertu dauden espetxeetara eramatea erabaki zuen urrian Espetxeetako Idazkaritza Nagusiak. Kasu honetan, Castellon II espetxetik Logroñora eraman dute.
Familiakoek pozik hartu dute etxetik gertuago egotea, baina eskubideak murriztu egin dietela azpimarratu du Inazio Gabilondok, Aliziaren senarrak: "Abenduaren erdialdean eraman zuten Logroñora, eta gertuago izatea pozgarria da. Hala ere, lehenengo, hamar egunetan koarentena egin behar izan zuen, eta, bisitei dagokienez, laukoak izaten ziren lehen, eta orain, berriz, bi pertsonakoak dira. Beraz, alaba biekin batera ezin dut bisitatu aldi berean Alizia…".
