Joan den eguenean irekita, eskatzaileek zenbait baldintza bete beharko dituzte lehiaketara aurkezteko, eta abenduaren 22ra arte egongo da epea irekita. Hala, 10 urterako kontratua da, jendaurrean ireki berri dena, eta xehetasun guztiak Leintzgatzaga.eus udal webgunean ikusgai daude.
Errasti eta Ramila, eskertuta
Jon Errasti eta Libe Ramila izan dira urte eta erdiz Gatz Museoko lanen ardura izan dutenak, eta bizi izan dutenarekin eskertuak agertu dira: "Urtebeterako etorri ginen, eta gero, beste sei hilabete luzatu ziguten. Hala, eskerrak eman nahi genizkieke gugan konfiantza izan duten herritar guztiei, eta, Gatzitzen elkarteko kide guztiei. Eman diguten laguntza izugarria izan da, eta, agertu duten lanerako prestutasuna ere txalotzekoa izan da", adierazi du Jon Errastik, Gatz Museoko arduradunak.
