"Olaungo errekatik behera, depositura bidean, ur-jario bat izan genuen, eta duela hilabete egin genuen konponketa. Hala ere, ondorioak begi-bistan daude aparkalekuan, eta orain, zoru zatia konpontzea geratuko zaigu", adierazi du Eugenio Otsoak, Gatzagako alkateak.
Aparkatzeko eremua
2015ean hasi ziren Gatzagako erdigunean dagoen aparkalekua egiten. Hainbat fasetan egin zituzten lanak, eta Gatz Museora eta Dorleta santutegira joaten diren bisitariek herri erdigunean autoa uzteko lekua izateko eta, bide batez, bertako herritarrek ere aparkatzeko lekua izateko lanak izan ziren. 2016ko urtarrilean, lur-jausia ere izan zen gune horretan, eta, egin beharreko guztiak eginda, ordutik erabilgarri dago hondakinen ekarpen-gune alboko aparkalekua. Gunea harri-lubetarekin inguratuta dagoen arren, auto batentzat espazioa okupatzen duen zoru zati bat altxatu da, eta hesiekin inguratuta jarri dute, inork ez aparkatzeko eremu horretan.
