"Aspaldi, ganadu feria ere izaten genuen San Milixan egunez Leintz Gatzagan; hori ere galdu egin dugu. Hala ere, urte askoan artisau azokarekin eta beste zenbait ekintzarekin arrakasta izan dugu. Aurten, baina, pandemia garai honetan, ez da posible ezer antolatzea, eta, datorren asterako erabakia hartuko dugun arren, gaurgaurkoz, Gurel Guraso Elkartea urtero-urtero arduratu den gaztaina erre jana soilik egitea aurreikusten dugu, baina hori egiteko ere zalantzan gaude…", adierazi du Eugenio Otsoak, Leintz Gatzagako alkateak.
Gurel-en, lantalde berria
Datozen bi urteetarako lantalde berria osatu berri du Gurel Guraso Elkarteak, eta orain, lau ordezkari berri izango dira elkartea koordinatzen.
