Hala adierazi du Libe Ramila Gatz Museoko langileak: "Gatz Museoko harreragunetik 220 lagun pasa dira. Gehienak bisitetara, eta beste zenbait informazio bila. Horietatik guztietatik, 143 pertsona gipuzkoarrak izan dira, eta ez da hain ohikoa izaten hori. Iaz, esaterako, 231 pertsona etorri ziren ekainean, eta aurtengo datuekin alderatuz oso ondo dago. Izan ere, aurten ez ditugu ikastetxeetako haurrak, talde handiak eta aste barruko bisitak izan. Gainera, azpimarratzekoa da bailaratik jende asko etorri dela, normalean baino gehiago, eta, beraz, oso pozik gaude".
Uztailean ordutegi aldaketa
Uztailean sartuta, museoko bisiten ordutegia aldatu egin dute. Izan ere, orain arte, asteburuetan soilik eskaini dute zerbitzua, eta uztailean, berriz, eguenetik domekara arte eskainiko dute. Hala ere, bisitak egiteko erreserba egitea derrigorrezkoa dela gogorarazi gura izan dute.
Zapatuan, tailerra
Horrekin batera, Ezkutuko Altxorrak egitasmoaren barruan, Gatz egile egun batez tailerra antolatu dute zapaturako. 10:30ean hasita, gatza egiteko prozesua ezagutuko dute bertaratzen direnek. Egurra bildu, sua eta gatza egin… Familian egiteko ikastaroa izango da. Izen-ematea derrigorrezkoa izango da; horretarako, 943 79 64 63 edo 943 71 89 telefono zenbakietara deitu edo infoturismo@debagoiena.eus helbidera idatzi beharko da.