Asteburu honetara begira autodefentsako tailerra zuten antolatuta Leintz Gatzagako Sorgiñak Emakume Taldeko kideek. Asteon, bi proposamen landu dituzte: tailerra online egitea, batetik, edo data aldatzea eta saioa atzeratzea, bestetik. Online egiteak erantzun handirik jaso ez duenez, zehaztu barik utzi dute, baina aurrerago egitea erabaki dute antolatzaileek. Horrekin batera, genero indarkeriaren gaineko informazioa zabaldu dute herritarren artean.
"Gogoz geunden tailerra egiteko, baina egoera zaila da, eta online egitearen proposamena baztertu egin dugu, parte-hartzaile batzuek hala gura izan dutelako. Ez dakigu noiz egingo dugun-; hala ere, indarkeria matxistaren aurkako kanpaina dela-eta informazioa bideratu diegu herritarrei", adierazi du Garazi Orobengoa Ogasun zinegotziak.
Eskuorri informatiboak
Ez zaitez lotsatu! Amaitu isiltasunarekin! lelopean, genero indarkeriaren informazioa eta harremanetan jartzeko zein orientazio, aholkularitza eta gizarte laguntza kontaktuak banatu dituzte herritarren artean.
