"Azken urteotan, gatzaren ekoizpenari dagokionez, aktibitate profesionala sortu dugu, produkzioa handituz; Leintz Gatzitzen egitasmoaren bitartez, herri ekimen bihurtu da; bisitekin jarraitzen dugu; Gatzaren Eguna egonkortzen ari da urteen poderioz; Santa Columban egin ditugun egokitzapenek gatz ekoizpen gunea eta museoa banatu eta ordenatzeko balio izan digute, eta Leintz Gatzitzen taldeak ideia eta proiektu berriak sortzeko egoitza izateko ere bide emango digu".
Garai bateko ideia ardatz
"Garai batean, gazkinen kofradiako egoitza izan zen Santa Columba ermita, eta bertan urteko gatz ekoizpenaren gainean, kostuaren gainean eta bestelakoez eztabaidatzen zuten. Hori horrela, harrera, informazio eta salmenta gunea izango dugun arren, ideia berriak sortzeko gunea ere izango da, eta horretan eragin gura dugu".
Proiektuarekin bat eginez
Gatz Museoaren proiektua harrera ona izaten ari dela ere gaineratu du Larrañagak, Foru Aldundiak, Mankomunitateak eta Eusko Jaurlaritzak begi onez ikusten dutela Gatz Museoaren bueltan egiten ari diren aurrerapausoak nabarmenduz.