Asteburu-pasa izan dira Madrilen Gatzagako Sorginak Emakume Taldeko bederatzi kide. Zapatuan, Gasteizen autobusa hartu eta Madrilera iristean, El Medico musikala ikusi zuten. Domekan, berriz, gidari batek lagunduta hiriburua ezagutzeko tartea hartu zuten, eta iluntzean bueltatu ziren. Indarkeria Matxistaren Kontrako Nazioarteko Egunaren bueltan antolatu duten ekintzetako bat izanda, hurrengoa, abenduan izango dute.
Abenduan autofentsa tailerra izango dute Emagin elkartekoek eskainita. Lau orduko tailerra izango da, eta abenduaren 14ean egingo dute 10:00etatik 14:00etara bitartean.
Gaur, berriz, udaletxean puntu morea jarri dute, eta horrekin batera, karteran eramateko gidak atera dituzte, eraso baten aurrean nora jo behar den eta nora deitu behar den zehazten duena, besteak beste. Txartel horiek Labidean, Soran-etxean, udaletxean… jarri dituztela adierazi du Ainara Gabilondo Gizarte langileak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.