Gaztainuzketako mendi-etxeak berriro zabalduko dituzte

Gaztainuzketako mendi-etxeak.

Gaztainuzketako mendi-etxeak apartamentu turistikoen gunea berriz irekiko dute. Udaletik adierazi dutenez, pozteko albistea da, eta berrikuntzak izango ditu. Izan ere, mendi-etxeen apustua egin gura dute jabe berriek eta tabernan berriz, harrera, soilik, izango dute hasiera batean behintzat.

"Kosta zaigu pausua emango duen norbait bilatzea, baina lortu dugu azkenean. Apartamentu turistikoen gainean ibilbide luzea daukaten Zeanuriko batzuk hartuko dute negozioa. Abala jartzea eta kontratua sinatzea geratzen da, soilik, datozen egunotan egingo duguna, dena ondo bidean badoa. Hala ere, soilik, mendi-etxeak kudeatuko dituzte, orain arteko taberna, harrera moduan erabiliko dute hasiera batean", adierazi du Juanito Bengoa Gatzagako alkateak.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.