Hamabi gazte gatzagarrek dihardute udaleku itxietan

Bi begiralekin batera, Leintz Gatzagako hamabi gazte, udaleku itxietan ari dira parte hartzen. Domekan irten ziren herritik eta etzi, zapatua izango dira bueltan, Beriainen edota Arbizun izan ostean.

Leintz Gatzagatik abiatu eta Arbizuko kanpinera joan ziren domekan. Hainbat ekintza egiten dituzte egunero eta Miren Zubillaga, begiraleak aipatu bezala, esperientzia polita izaten ari da eta gazteak ere ondo pasatzen ari dira. Hala, zapatuan egingo dute etxerako bidaia.