Andramari jaietara begirako kartel lehiaketa martxan da

Iaz, Gatzagako Andramari jaietan.

Andramari jaiak irailaren 7an, 8an eta 9an ospatuko dituzte, eta, horretarako, kartel lehiaketa jarri dute martxan. Parte hartzaileek hainbat oinarri bete beharko dituzte leintzgatzaga.eus webgunean ikusgai daudenak, eta lanak entregatzeko azken eguna, uztailaren 5a izango da, 14:00ak baino lehen aurkeztu beharko direnak.

Honekin batera, jai batzordea hasi da lanean, aurtengo Andramari jaierarako egitaraua prestatzen, eta Joannes Mendizabal kultura zinegotziak adierazi duenez, ia guztia prest daukate: "Jai batzordeko lehenengo bilera pasa den eguenean egin genuen, eta urtero moduan gazte jendea hurbildu zen batez ere. Egitaraua gutxi-gorabehera eginda dago, baina gauza batzuk lotzea falta zaigu. Hala ere, oporrak hartu aurretik dena lotuta uztea da asmoa".