"Guztira, 73 parte-hartzaile izan ziren, eta antolakuntzatik oso pozik gaude, eta balorazio positiboa egiten dugu. Data jartzerakoan ez genuen asmatu; izan ere, Zegama-Aizkorri ere bazen… hala ere, aurreikuspenak bete ditugu. Iazko parte-hartze kopurua mantendu egin dugu, eta aurtengo berrikuntzekin asmatu. Hala ere, beti daude hobetzekoak…", adierazi du Beñat Agirreurretak, antolakuntza taldeko kideak.
Eskerrak antolatzaileei
Parte-hartzaileez gain, laguntzen aritu zirenei eskerrak eman nahi izan dizkie antolakuntzak: "Mila esker erantzunagatik. Mila esker babesleoi eta laguntzen ibili zareten boluntario guztioi; motorrean, bidegurutzeetan, zein herrian lagundu zenutenei eskerrik asko, benetan".