Gatzagako gatz museotik irtenda, Lizarrarainoko bidea egin zuten oinez pasa den zapatuan, gatzaren mezulariek. Bi herriak batzeko asmoz, 76 kilometroko bidea, 12 ordu eta erdian egin zuten, eta esperientziaz gozatu dutela adierazi du ibilbidea egindako Oier Etxebarriak: "Zailtasunik ez da falta izan, baina elkarrekin bidea egiteak, Gatzagakoek eman diguten babesarekin eta izan dugun eguraldiak lagunduta, Lizarrako Katxetas tabernan entregatu genuen gatza. Sorpresaz agertu ginen baina harrera ona egin ziguten. Egindako ibilbidean pasatu ditugun paisaia eta herriak honako hauek dira: Elgea, Agurain, Opakua, Eulate, Lokiz, Ganuza eta Lizarra. 76km gogoangarri izan dira eta hurrengoa ere antolatzeko motibazioarekin amaitu dugu".