Telmo Esnalek zuzendu eta Txintxua Films-ek ekoitzi duen pelikulak Euskal Herriko zinema aretoetan izandako arrakastaren ostean, Dantza filma ikusteko aukera izango da Gatzagan. Hitzik apenas duen filmarekin apustu estetiko handia egin dute, eta, proposamen berriak landuz, euskal dantza erabili dute istorio bat kontatzeko. Lokalizazio eta arropa bereziak, kolore eta mugimendu ikusgarriak eta efektu bereziak batzen ditu film horrek.
Euskal dantzei garrantzia
Euskal dantzak plaza eta oholtzetatik zinemara eraman dituzte, euskal dantzari garrantzia emanda. Dantzekin ahalik eta fidelen jokatuz eta jatorriak errespetatuz, tradizionalaren eta garaikidearen arteko nahasketa bat da.
