"Zapatuan 09:00etan elkartuko gara, herriko plazan, eta handik Gaztainuzketara joango gara. Dozena bat lagun batuko garen aurreikuspena daukagu, eta bertan, sastrakak kendu, belarra moztu eta mendi-etxe barruan dauden hainbat gauza aterako ditugu, besteak beste", adierazi du Juanito Bengoa alkateak.
Hori egiteko arrazoia da apirilaren 2an proiektuak aurkezteko azken eguna izango dutela errentan hartu nahi dutenek. Hala, ordurako ingurua behar bezala uzteko asmoz antolatu dute auzolana. Dagoeneko lau pertsona interesatu dira, eta, ikusten egon diren arren, ez du inork eskaerarik egin, oraingoz.