Gatzaren produkzioa handitzeko balio askotariko gela egokitu dute

Imanol Beloki Unamuno 2019ko mar. 21a, 15:44

Gatz Museoan gatz produkzioa handitzeko egokitzapen lanak amaitu dituzte. Hasiera batean, lanen aurreikuspena 57.614,17 eurokoa zen, eta, Eusko Jaurlaritzaren Leader programaren 41.609,61 euroko laguntzari esker, egin den inbertsioa 65.527,89 eurokoa izan da.

Hala, Gatz Museoko balio askotariko gela egokitzeko lehenengo faseko lanak egin dituzte, eta, gela prest izanda, barruko materiala behar bezala jartzea izango da hurrengo pausoa. "Momentu honetan, bi dorla ditugu. 20 eta 25 kilo gatz atera dezakegu egunean. Asmoa, berriz, aurrera begira gehiago ateratzea izango da; horretarako, dorla gehiago jarriko ditugu eta gatza sikatzeko materiala jarri, besteak beste", adierazi du Juanito Bengoa alkateak.

Santa Columba, informaziogune

Produkzioa handitzeaz batera, museoaren alboan dagoen Santa Columba ermita informaziogune eta gatz salmentarako egokituko dute. Lizitaziora aterata, hilaren 29a izango da proiektuak aurkezteko azken eguna.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak