Korrikarekin batera, angula zozketa ere bada aurten

Leintz Gatzagako Korrika Batzordeak urteetan antolatu du angula kiloaren zozketa, Korrikaren alde dirua batzeko, eta aurten ere ez du hutsik egin. Bailarako hainbat lekutan utzi dituzte txartelak bi eurotan salgai, eta dagoeneko hainbatek erosi dituzte hain preziatuak diren angulak lortzeko txartelak.

Gaur, egubakoitza, bilera izango dute Korrika Batzordeko kideek, eta bertan jakingo dute orain arte saldu diren txartelen zenbatekoa. Dena den, angula kiloaren zozketako irabazlearen izena martxoaren 2an jakinaraziko dute. Hori Labidea dendan izango da, 20:00etan egingo duten zozketan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.