17:30ean hasiko da saioa, Gatz Museoan, eta ikatz tailerra ere izango da bertan: "Gabonei begira, bisita berezia antolatzea erabaki dugu. Normalean, helduak soilik edo familiak etortzen dira, baina, oraingoan, batez ere, haurrei zuzenduta izango da. Hala, gatzari soilik ez, ikatzari ere emango diogu garrantzia", adierazi du Aitor Larrañagak, Gatz Museoko arduradunak. Ostean, txokolate beroa pasta batzuekin hartzeko tartetxoa hartuko dute.
Izen-ematea, museoan
Bisitara joateko aukera izango dute helduek ere. Hori horrela, helduek bost euro ordaindu beharko dute sarrera eta haurrek, berriz, 2,5 euro. Izen-ematea Gatz Museora deituta egin beharko da, 943 71 47 92 telefono zenbakira.