Bikote ugari pilota txapelketan
Eguna pilota partiduekin hasiko dute; 09:30ean hasiko dira, eta dagoeneko 20 bikotek eman dute izena. Gizonezko 16 bikote eta emakumezko 4 bikote izango dira txapelketan, eta pilota goxoarekin lehiatuko dira.
Txartelak oraindik salgai
Herri bazkaria 14:30ean izango da: paella eta okela tomatearekin, postrea eta kafea, 15 euroren truke, eta bazkalostean jokatuko dira pilota finalak. Txartelak datorren astera arte egongo dira salgai –Kixkor, Inkernu eta Labidea–. Guztira, 130 txartel inguru atera dituzte, baina, datorren astean jasoko dituztenez, antolatzaileek ez dakite zenbat batuko diren. Arratsaldeko zazpietan hasita, kontzertuak izango dira. Hain zuzen ere: Krisis, Crap, State Alerta, Mareo eta Sofokaos taldeak.