Goierri auzoko jaiak ospatuko dituzte gatzagarrek domekan

Goierri auzoko jaiak.

Domeka honetan, uztailak 1, ospatuko dute gatzagarrek San Martin eguna. Ohiturari jarraituta, Goierri auzoan dagoen ermitara joango dira uztaileko lehen domekan gatzagar asko. Bertan, meza, lauko txapelketa, herriko trikitilariak eta luntxa izango dira.

San Martin ermita jendez betetzen dela adierazi du Leintz Gatzagako alkateak, Juanito Bengoak: "Urtero 50-60 lagun inguru batzen gara bertan, eta, jai xumea izan arren, giro aparta izaten dugu." Asko dira oinez joaten direnak San Martin ermitaraino; izan ere, leku gutxi izaten da aparkatzeko, eta, horrenbestez, Udalak adierazi du oinez joatea komeni dela.

Lauko txapelketarako, gogoz

Urteroko festan, ez dute hutsik egingo lauko txapelketara animatzen diren herritarrek. Gainera, irabazlearentzat sari ederra egongo da: gazta bat, hain zuzen ere. "Guk, gatzagarrok, lauko txapelketa esaten dioguna Arrasate aldean doke izenez ezagutzen da".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.