Naturak eta euskarak ekarri ditu Leintz Gatzagara 7 eta 12 urte arteko Barrundiako 31 ume. Mendiak eta Herriak elkarteko gidari bi lagun hartuta etorri ziren zapatuan Landatik oinez, eta gaur eguerdian itzuli dira etxera gatz museoa ezagutu ostean.
Oxigenoa Euskarari lelopean Barrundiako guraso elkarteak antolatuta etorri dira Barrundia inguruko neska-mutikoak: "Euskara gutxi erabiltzen duten inguruko umeak dira eta hori sustatu nahian datoz", adierazi du Joanes Mendizabalek, Leintz Gatzagako zinegotziak.
Zapatu goizeko euri zaparradaren ostean abiatu ziren, oinez, Landatik Leintz Gatzagarantz, eta jolasean jardun zuten arratsalde partean; orientazio frogak eginez eta boulderrean jardun zuten.
Pilotalekuan afaldu eta kultura etxean egin dute lo, eta gaur goizean gatz museoa ezagutzera eraman dituzte. 12:00ak aldera ekin diote Landarako ibilbideari.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak