Gatz Museoko arduradun Aitor Larrañagak adierazi duenez, ez dira bisita antolatuak egingo, aurretik erreserbarik ez badago: "Gatz Museoko bisita gidatuak zapatu eta jaiegunetan egiten ditugu, bost eurotan, baina, Museoen Nazioarteko Eguna izanik, bisita hiru eurotan egiteko aukera jarri dugu. Hala ere, erreserba egitea eskatuko dugu; ez bada erreserbarik egiten, ez da bisitarik izango".
Ordutegia eta erreserba egiteko
Gatz Museora bisitak egiteko ordutegi arrunta hau da: 12.00etan (euskaraz) eta 13:00etan (gaztelaniaz). Eta bisita eskaera edo erreserba egiteko, telefonoz 943 71 47 92 telefonora deitu edo posta elektroniko bidez reservas@gatzmuseoa.com helbidera idatzi beharko da.