Antolaketari garrantzia Azken urteetako edizioetan parte-hartzaile kopurua jaitsi izanak ekarri du data aldatzeko erabaki hartzea, besteak beste, eta horren ondorioetako bat da iaz gazte talde batek ibilbide zati bat aldatu izana. Honela adierazi du Ibai Agirreurretak, Dorletako Ama Txirrindulari Elkarteko kideak: "Urtero egin izan ohi dugu lasterketa Gatzagako jaietan, eta, antolaketarako jende falta izaten dugunez, azken momentuko prestaketa momentuetan ere… erabaki dugu ondo antolatzeari garrantzia ematea. Aurten ez da egongo ibilbidean aldaketarik, baina aldaketatxo batzuk egingo ditugu. Anoa postuak hobeto jarriko ditugu, leku ezberdinetan, eta irteerako gunea beste urtetan baino txukunago jarriko dugu. Horrez gain, ibilbide bukaeran dagoen aldapa gogorra saihesteko irtenbidea jarriko dugu. Bestela, ez dago aldaketa handirik".
Logo berria, berritasun gisa
Aurtengo lasterketa iragartzeko, gainera, Dorletako Ama Txirrindulari Elkartearen logoa berritu egin dute. Jone Martinez diseinatzaile grafikoak egin du ilustrazioa, eta elkarteko kideak gustura geratu dira emaitzarekin.