84 kilometroko ibilbidea egin zuten atzo gatzaren mezulariek

Zazpi lagun atera ziren Leintz Gatzagatik, oinez, GR-38an barrena, Oionera bidean. Zorionez ez ziren eguraldi iragarpenak bete eta giro ederrean egin zuten Leintz Gatzagatik goizeko seietan abiatu zen taldeak 13 ordu eta erdian osatu zuten 84 kilometroko ibilbidea. Leintz Gatzagako gatza eroan zuten haiek, Oionera.

Neka-neka eginda iritsi ziren Araba Errioxako herrira, baina asko gozatu zuten bidean. "Baso dotoreak igaro genituen, ibilbide benetan ederra osatu genuen", dio Oier Etxebarriak, ekimenaren antolatzaileak.

Zazpi lagun iritsi ziren 19:30ean Oionera; lau lagunek osorik egin zuten ibilbidea baina guztira hamabik hartu zuten parte, horietako zortzik tarte batean edo bestean. Araba Errioxako herritxoan zituzten zain, herriko jaietan erabat murgilduta, Oingo alkatea eta Leintz Gatzagako txistulariak eta hainbat herritar. Harrera beroa egin zieten guztiek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.