Matilde Arresek 100 urte bete ditu gaur, eta erretiratuen elkartekoekin, eta familiakoekin ospatu du eguna. Halako sasoi onean 100 urteetara ailegatzeko zein den trukua ez du esan, baina pozarren agertu da egin dioten errekonozimenduagatik. "Trankil eta ondo bizi, ez dago besterik", adierazi du irribarretsu.
Toki Eder erretiratuen elkartekoek, eman diote gaur errekonozimendua, 12:00etan. Txistulariek egin diote harrera lehenbizi, eta ostean, lore sorta eta zapi bat jaso ditu opari gisa. Ondoren, egunerako prestatutako bertsoa abestu diote guztien artean, eta bertsoaren alboan bertaratu ziren guztiek sinatu dute. Amaitzeko, mokadutxo bat jan, eta kontu kontari aritu dira bertaratu direnak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.