Angula zozketa afal aurretik izango da, Labidea dendan, eta txartelak azken momentura arte erosteko aukera egongo da. Honela adierazi du Ixidor Salaberrik: "550 txartel inguru saldu dira, oraingoz, eta gaur eta bihar erosteko aukera ere izango da. 700 txartel saltzera ere iritsiko garela uste dut nik; izan ere, angulak oso preziatuak dira… Deban batutako angula kiloa zozketatzen da, eta bizirik ekarriko dituzte, gainera. Beraz, animatu txartelak erostera".
Zapatuan bertso afaria izango da Soran Etxean, 21:00etan, eta afaria girotzen Jon Maia eta Unai Agirre bertsolariak izango dira. Oraingoz, 50 pertsonak eman dute izena, eta beste hamarrentzako lekua ere badago. Horrez gain, urtero, herriko Korrika Batzordeak antolatutako angula kiloaren zozketa egingo dute Korrikaren alde dirua batzeko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak