Ludotekan gaua pasatzen izan dira Gatzagako gaztetxoak

Imanol Beloki Unamuno 2018ko urt. 4a, 15:56
Gatzagako ludotekan gaua pasatzen izan zirenak.

Leintz Gatzagako gaztetxoek Negulekuak izan dituzte egunotan. Eta, egindako ekintza guztiak borobiltzeko, gaua pasatzen izan dira ludotekan hamasei gaztetxo, eguaztenetik eguenera bitartean.

Abenduaren 27an irteera egin zuten nagusienek, Gasteizera, katedrala ikustera, eta ondoren, bazkaldu ostean, zinemara joan ziren. Txikienak, berriz, herrian geratu ziren, eta Inuzente egunean askotariko jokoak eta panpinak egiteko tailerrak izan zituzten.

Ludotekan lo gutxi

Hamazortzi gaztetxo batu ziren eguaztenean ludotekan gaua pasatzeko asmoz. Lehenengo, gurasoek prestatutako afaria izan zuten elkartean, eta 21:00etan, Amaia Elizagoienen ipuin kontaketa musikatua.

Hain zuzen ere, hamasei geratu ziren lotarako, eta ordenagailuan musika jarrita dantzan aritu ziren. Honela adierazi du Asier Urizar begiraleak: "Oso ondo pasatu dugu, baina lo askorik ez dugu egin, egia esan. Eguenean jaiki eta joko batzuk egin ostean amaitu dugu ekintza". 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak