12:30ean hasiko da erakustaldia, eta umeen taldeak zein nagusien taldeak eskainiko dute ikuskizuna. Agurtzane Telleria irakasleak herritarrei gonbidapena egin nahi izan die bertara daitezen ikuskizunaz gozatzera: "Zirku txiki baten hasierako emanaldi baten moduko erakustaldia eskainiko dugu. Aireko akrobaziak, oihal-akrobazia, aro akrobatikoa, banako eta taldeko koreografiak… eskainiko ditugu, besteak beste".
Erakustaldi horrekin, urtean zehar ikasitakoa jendaurrean erakutsi nahi dute, hala, bide batez, ikuskizunaz gozatzeko eta, bestetik, datorren ikasturtera begira norbaitek izena eman nahi badu, eman dezan.