Uztaileko lau astetan izango dituzte udalekuak Gatzagako haurrek

Zenbait ekitaldiz eta irteeraz osatuta egongo dira aurtengo udalekuak. Izena emateko epea agortuta, uztaileko lau astetako taldeak osatu dira dagoeneko.

4 eta 12 urte bitarteko haurrei zuzenduta egongo dira eta kopuru ezberdinetako taldeak osatu dituzte –talde handiena 16 haurrez osatutakoa izango da–.

Ordutegiari dagokionez, 11:00etatik 13:00etara eta 16:00etatik 18:00ra izango dira, baina hauek ere ekintzen arabera aldatu egin daitezke.

Astean behin, behintzat, irteera bat egingo dute eta kanpoan lo egiteko aukera ere izango dute. Kirola sustatzeko, triatloi moduko bat ere egingo dute eta, horrez gain, haur zaharrenek monitore lanak egingo dituzte txikienekin, beraiek hala gura izan dutelako.

Haurren gonbidapenak

Bihar, egubakoitza, 18:00etan ,umeek ludotekan egindako zaku aromatikoak banatuko dituzte herrian zehar, kalejira batean. Honen bitartez, hainbat gonbidapen luzatuko dituzte: San Juan sura gerturatzeko, San  Martin eguneko Doke txapelketan parte hartzeko –berreskuratzeko asmotan dabiltza– eta Lakuan egingo den protestara joateko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.