%1 igoko dira zergak datorren urtean

Udalbatzako kideak.

Udal zerbitzu batzuen prezioak bere horretan utziko dituzte datorren urtean; beste batzuk %3-%5eko igoera izango dute, eta hori baino handixeagoa izango dutenak ere badira. Baina horiek guztiak salbuespenak dira; izan ere atzo (eguena), osoko bilkurak onartu zuenaren arabera, batez beste %1 igoko dituzte zergak datorren urtean. 

Zenbakitan sartuta, orain arteko prezio bera izango du, adibidez, lurperatzeak: 77,58 euro.

Hondakinen zerbitzuari dagokionez, berriz, hobaririk ez dituzten etxeetan, 111,28 euro ordainduko dute (urtean). Hori bai, auzokonposta egiten dutenei, %25eko hobaria aplikatuko zaie, eta ondorioz, haiek 83,46 euro ordaindu beharko dute; eta autokonposta egiten dutenek, berriz, 55,66 euro (%50eko hobaria).

Ura, autoak…

Bestalde, urari dagokion zergak ere %5eko igoera izango du; hori abiapuntu, 30 metro kubikora arteko kontsumoa duten etxebizitzetan 0,671 euro ordaindu beharko dute hiru-hilean; 30 eta 90 metro kubiko arteko kontsumoa dutenek, berriz, 1,036 euro eta 90 metro kubiko baino gehiago kontsumitzen dutenek, 1,33 euro.

Eta beste pare bat adibide bat jartzearren, ibilgailuen zergari begiratuta, 9-11 zaldi potentzia arteko ibilgailuek 72,91 euro ordaindu beharko dute (urtean); 12-13 urte bitarteko potentzia dutenek, berriz, 121,46 euro (gehienak azken hauek izaten dira). Eta frontoiko fitxak 3,10 eurotik 5 eurora igoko dituzte.

Prezio bera izango dute, adibidez, ondasun higiezinen gaineko zergak (IBIak), obrei dagokienak zein udal makinen alokairuak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.