Hasi dira Gatz Museoko teilatua konpontzen

Udal ordezkariak eta idazkaria osoko bilkuran, atzo, eguena.

Oraingo astean hasi ditu Eskoriatzako Ramel enpresak Gatz Museoko teilatua berritzeko obrak. Edo zehatzago esanda, museoaren ondoko biltegiaren teilatuko obrak. Diru laguntza jaso du Udalak lanok egiteko, eta bertan ezarritako baldintzen arabera, abendurako bukatuta izan beharko dute guztia. 

43.000 euro pasako aurrekontua dute obrek. Dena den, horrek ez dio eragingo museoaren funtzionamenduari, eta obrek iraun bitartean zabalik izango da berau. Horixe izan zen atzoko (eguena) osoko bilkuran udalbatzak landutako puntuetako bat.

Bestelakoen artean, eta obra kontuekin segituz, erdiguneko aparkalekuko hasierako faseko lanak bukatuta, aparkalekua bera gauzatzeko 2016ko diru laguntzen zain egon beharko direla jakinarazi zion Goienari Eneka Zankada alkateak.

Aizkorri-Aratz

Horrekin batera, Debagoieneko Mankomunitaterako ordezkariak izendatu zituen udalbatzarrak: Eneka Zankada, Roberto Otazu eta Ixidor Salaberri.

Eta besteak beste, hainbat lurjabek Aizkorri-Aratz parkea kontserbazio bereziko eremu izendatzeko kudeaketa plana atzera hotatzea eskatzen duen mozioa onartu egin zuten udal ordezkariek, aho batez onartu ere.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.