Angulek beti sortzen dute ikusmina eta horixe pentsatuta ekartzen dituzte gatzagarrek Korrikaren alde dirua batzeko. Atzo iluntzean egin zuten zozketa eta 713 zenbakia zuen txartelaren jabearendako izan zen, Gure Ametsa jatetxeko sukaldariarendako.
Bizi-bizirik dauden angulak ekartzen dituzte gatzagarrek Korrika datorren bakoitzean; dagoeneko hirugarren aldia da. Ibon Oñederrak Deba ibaian hartutakoak dira, gainera, bertakoak.
Txartelak saltzen ibili dira han eta hemen; atzo goizean, esaterako, Arrasateko baserritarren azokan izan ziren. Eta iluntzean izan zen zozketa. Ikusmin handia zegoen herrian, Aretxabaletatik ere joan zen kuadrilla bat aitzakia horrekin, baina arrain preziatuak etxean geratu ziren, Gure Ametsa jatetxean hain zuzen ere. Zalantza barik goxo-goxoak prestatuko dituzte bertan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak