"Urtetan baserriak ateratzen ibili ostean, gure azkeneko urte honetan aldaketa egitea pentsatu dugu eta Leintz Gatzagako paisaien eta txokoen bidez osatzea", kontatu du Iñaki Agirreurreta Kultura zinegotziak. Adibidez, Gatz Museoaren argazki bat aterako da bertan, Agirreurretak berak ateratakoa.
Egutegia eta gatz potea
Guztira, egutegiaren 150 ale argitaratuko dituzte. Eta Gurelen Gabon eskean, Gatzagako umeek egindako gatz potetxo batekin batera banatuko dute, goizez.
Dorletako Ama elkartea
Bestalde, eta datozen egunei begira, gogoan izan abenduaren 22ko loteriaren zozketako sari nagusiaren zenbakia izango dela Dorletako Ama Txirrindulari Elkartearen txartelen zozketako zenbaki irabazlea.
Hain justu ere, San Milixan azokan jardun zuen elkarteak txartelak saltzen, urtean antolatzen dituzten bi txirrindulari probak egiten jarraitu ahal izateko, uztailekoa eta irailekoa, alegia. Batetik, 300 eurotan baloratutako saskia emango dute, eta bestetik, Marisanean bazkari edo afari bat bi lagunendako.