Edozelan ere, urrian egingo duten ez ohiko osoko bilkuraren onespena behar dute derrigor arauok aurrera egiteko.
Gehiegizko abiadura
Udalbatzarra lantzen diharduen arau subsidiarioen bitartez, gaur egun Gatzagan dauden bi arazo bideratu gura dituzte: abiadura eta aparkalekuak. "Orain edozein lekutan aparkatzen da, eta ea bada, jendea hasten den lerro horiak errespetatzen eta aparkatu ezin den lekuetan ez aparkatzen. Abiadurari dagokionez, berriz, ez da dagokion muga errespetatzen. Bada, adibidez, udalerri barruan goitik behera 50 km/h-ra edo baita 80 km/h-ra etortzen direnak ere. Zoritxarrez, batzuetan isunekin bakarrik ikasten du jendeak", esplikatu du Eugenio Otsoa alkateak.
Esan beharrik ez dago, bada, behin arauok onartuta, errespetatu ezean, isunak jartzen hasiko direla.
