Balorazio positiboarekin, datorren urtera arte, agur udalekuak

Leintz Gatzagako udalekuetako neska-mutikoak, azkeneko egunean.

"Giro ona izan dugu gure artean, eta nire ustez hori da inportanteena". Berba horiek erabili ditu Beñat Agirreurretak, udalekuetako begiraleak aurtengo jarduna baloratzeko. Onartu du, hala ere, "eguraldia apur bat eskasa" izan dela, eta horrek izan duela bere eragina udalekuetan, batez ere, kanpoko ekitaldiak egiterako orduan. Gaztainuzketako txaboletan agurtu dituzte aurtengo udalekuak.

Edozelan ere, Agirreurretak azpimarratu du "ondo" joan direla udalekuok, eta baita "inzidentzia larregi" izan ez dituztela ere.

Uztailean hiru astez ibili dira bertako 16 neska-mutiko, 3-10 urte bitartekoak. Hain justu, oraingo asteburuan agurtu dituzte aurtengoak, Gaztainuzketako txaboletan gaua pasatuz.

Neska-mutikoen arteko harremana

Hiru asteotan eta iazko filosofiari eutsita, udalekuon helburua izan da, neska-mutikoen aisialdiaz arduratzeaz gainera, aisialdi hori herrian gauzatzea, herriko bertako giroa zaindu guran eta neska-mutikoen eta herriaren arteko harremana sendotu guran.

Hortik aparte, Gatzagako udalekuek izan duten berezitasun nabarmenena da neska-mutiko guztiak batera ibili direla, talde bakarrean, eta ez adinka banatuta, gainontzeko herri ia guztietan egiten duten modura.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.