Gatzagako Toki Eder erretiratuen elkarteak 25 urte bete ditu aurten eta gaur, uztailaren 17a, eguerdian ospatu dute. Gipuzkoako Erretiratu eta Pentsiodunen Elkarteko presidente den Jose Rivierek plaka eman dio Lazaro Barandiaran Toki Ederreko presidenteari, eta elkartearen lau fundatzaileri eskerrak eman dizkiote guztiek.
Toki Eder erretiratuen elkarteko kideenganako esker oneko berbak izan dituzte Eugenio Otsoak, Gatzagako alkateak, eta Rivierek; eta animatu dituzte bide horretatik jarraitzeko lanean. Era berean, lehenengo zuzendaritza batzordeko lau kideri eskerrak eman dizkiete eta ondoren, bazkaltzera joan dira guztiak. Egun 19 bazkide ditu elkarteak eta gehienak elkartu dira egoitzan bertan egin duten bazkarian.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
