Arratsaldean, eta Gurel elkartearen eskutik, jolasak izango dira gatzagar gaztetxoendako San Juan bezperan. Iri-sortak ere aurkituko dituzte herrigunean bizi diren gatzagarrek biharamunean, atarietan, horretaz ere Gurel elkarteko kideak arduratuko dira-eta. Hortik aurrerako San Juan bezperako gainontzeko ekitaldiak Udalaren eskutik etorriko dira.
22:30ean, sua
Hain justu, astelehenean, 20:30ean hasiko dituzte ospakizunak, jatekoarekin. Sei kilo saiheski eta zortzi kilo sardina erreko dituzte plazan, herritarrendako. Eta 22:00etan piztuko dute San Juan sua. Hortik aurrerakoa norberaren nahiaren edo norberaren esku geratzen da.
Barikuan, agur ludotekari
Bestalde, gaur, egubakoitza, ludotekaren ikasturte amaiera da. Eta merienda eginez agurtuko dute ikasturtea, 17:00etan. Ludoteka bukatu ostean, udalekuak hasiko dira Gatzagan. "15 bat neska-mutikok eman dute izena, eta pozik gaude", adierazi dute udalekuen antolatzaile den Gurel elkartekoek.
