Gainontzeko egunetan, berriz, normal emango dute zerbitzua: 09:00etatik 14:00ak arte zabalik izango da udaletxea, herritarrei dagokienez.
Medikuari dagokionez, berriz, jai-egunetan Osakidetzako larrialdietara deitu behar da mediku zerbitzua behar izanez gero: 943 46 11 11.
Edo zalantza edo kontsulten kasuan, 943 20 30 20 zenbakira dei daiteke. Hor, egunero ematen dute zerbitzu, erizainen bitartea. Gainontzean, Eskoriatzako anbulatoriora jo behar da.
Mahaien zozketa
Edozelan ere, eta jai egunak jai egun, udalbatza derrigortuta dago apirilaren 30a aurretik osoko bilkura egitera. Arrazoia Europako hauteskundeak dira. Izan ere, hauteskunde horietan Gatzagan mahaian egongo diren hiru herritarrak eta haien ordezkoak izendatu beharko dituzte, legez. Ostean, jakinarazpena bidaliko diete herritarrei eta haiek mahaian ezin egona justifikatzeko alegazioren bat izanez gero, hiru egun dituzte aurkezteko.
