Eta deialdiaren izenak esaten duen moduan, herritar guztiei dei egin diete bertan parte hartzeko, guztien artean erabakitzeko zer egin ahal den edo zela arautu ahal den aparkaleku kontua.
Gaur egun Soran etxearen azpiko aldean, haren parean, udaletxeko kalean eta Errosario kalean daude egokituta aparkalekuak.
Martxoaren 27an, beste bat
Bestalde, beste herri ekimen bat ere deitu du Gatzagako Udalak martxorako. Kasu horretan, garraio publikoa izango dute hizpide; jakina, garraio publikoa Leintz Gatzagari dagokionez. Bada, bigarren herri ekimen hori martxoaren 27rako (eguena) antolatu dute, kasu horretan ere, 18:30ean egin dute hitzordua, kultura etxean, eta herritar guztiei zuzenduta.
Aurrekontuak eta beste
Gauzak horrela, eta udal agintariek iragarritako moduan, aurtengo aurrekontuen, Gatz Museorako egitasmoaren eta txakur kaken gainean jarduteko hirugarren herri ekimen bat egitea faltako litzateke. Hasiera batean, hori ere martxoan egin gura du Udalak. Baina oraindik ez dute behin betiko data erabaki. Zehaztu bezain laster jakinaraziko dute.