Otsailean osoko bilkurak Jose Inazio Belokik bake epaile karguan segituko zuela berretsi ostean, proposamen hori bidali egin du Gatzagako Udalak Justizia Epaitegi Gorenera, burokrazia prozedurak agintzen duen moduan. Orain, Bergarako epaitegitik deitu egingo diote Belokiri, lau urteotarako kargua har dezan.
Edozelan ere, hori oraindik ez dute egin, izan ere, berez, martxoan bukatuko da bake epailearen azkeneko jarduneko epea.
Egubakoitzetan, udaletxean
Bien bitartean, eta hurrengo urtetarako kargua hartu ostean, orain arte moduan funtzionatuko du Belokik betetzen duen zerbitzuak: bera egubakoitzetan izango da udaletxean; urgentzia kasuetan aparte deituko zaio, eta alkatearekin batera, ezkontza zibilak egiteko eskumena izango du.
