Federazioko lizentziarik ez duten beteranoei zuzendutako pilota txapelketa abiatzear da Leintz Gatzagan. Bi mailatan jokatzen da txapelketa hori: batean Leintz Gatzagako beteranoek bakarrik parte hartu ahalko dute; eta bestean, berriz, gura duten gainontzeko beterano guztiek. Martxoaren 2an hasiko da.
Txapelketako partidu guztiak jokatuko dituzte domeketan, 09:30ean, Leintz Gatzagako Udal pilotalekuan.
Baldintzei dagokienez, berriz, txapelketan jokatu behar dutenek kontuan hartu behar dute pilotari jantzita joan beharko dutela: hau da, praka eta kamiseta zuriekin.
Txapelketan erabiliko dituzten pilota motak ere zehaztuta daude, urtero moduan: punpazko pilota frantsesak. Eta antolatzaileek gogorarazi gura dute ez direla lesioen kargu egingo.
Esandako moduan, izena emateko epea zabalik dago. Mauri Zubillagari deitu behar zaio: 605 72 40 96. Eta 10 euro ordaindu beharko da txapelketan parte hartzeko.
