Urtea bukatu bitartean, gatzagarrek Jose Felix Diaz de Tuesta arrasatear argazkilariaren bisita gehiago jasoko dituzte. "Gatzagan bizi diren guztiei, erretratu modura fondo beltz baten aurrean, aterako dizkiet argazkiak, Udal Pilotalekuan. Dagoeneko bizilagunen erdiak-edo atera ditut", kontatu du argazkilariak berak. Izan ere, 2013an Leintz Gatzagan bizi diren bizilagun guztien erretratuak atera gura ditu.
Gehienetan herri bateko bizilagunekin lotutako argazkilaritza lanen bat egin izan denean, ezaugarri zehatzen bat duten bizilagunei ateratzen zaizkie bakarrik argazkiak: pertsona ezagunak, nagusiak… Bada, Leintz Gatzagan abiatutako ekimenaren helburua da bertako bizilagun guzti-guztiei ateratzea erretratu bana.
Web orrian, eta zerbait gehiago
Behin erretratuak aterata, horiek zelanbait argitaratu gura dituzte. Azken hori zela egin oraindik erabakitzeke dago. Seguru aski Leintz Gatzagaren Udalaren web orrian argitaratuko dituzte guztiak, baina gero beste zerbait gehiago ere egin nahiko luke Diaz de Tuesta argazkilariak, hau da, bestelako formaturen batean ere eman argitara. Edozelan ere, hori, bereziki, aurrekontuaren arabera erabakiko dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak