Narciso Beitiak, Leintz Gatzagako gizonik zaharrenak 103 urte bete ditu gaur

Gaur duela 103 urte jaio zen Narciso Beitia Elkorobarrutia gatzagarra, San Narciso egunean: deunetik dator bere izena hain zuzen ere. Gironako Narciso martiria Ausburgo eta Gironako patroia da eta gaur, urriaren 29a, da bere eguna.

103 urte ez dira egunero betetzen eta duela urte batzutatik, gatzagar zaharrena da. Urte dezente izan arren, ez du itxura txarra Beitiak, umoretsu eta osasuntsu gogoratzen baititu bere gaztaroko garaiak. Soldaduzka eta gerra garaian makina bat lekutan ibilitakoa da baina maiteen duen lekua duda barik Leintz Gatzaga da. Emakumeetan 95 urteko Matilde Arrese da zaharrena eta pasa den hilabetean saria jaso zuten biek, gatzagar edadetuenak izateagatik.

Modu xumean ospatu dute gatzagar edadetuenaren eguna, familia eta lagun artean. Eugenio Otsoak, Leintz Gatzagako alkateak Jakion kontserben otarra oparitzeaz gain bertsoa ere egin dio Beitiari. Hala kontatzen du bertsoak Narciso Beitiaren bizitza:

 

Mila bederatzireun eta hamar

San Narzismo egunian

Artuak karantzeko aruan

Jaio zinen baserrian

 

Makina bat uso pasa dira

Ordutik Euskal Herrian

Udazkena baita garaia

Ego haizea danian

 

Zenbait hiri ekarri duzu

Idi burdinen gainian

Ganauen oheak eitteko

Asteisoloko itoian

 

Eskuserria eta aizkora

Erabiliz mendian

Pago egurra ez zen faltatzen

Berotzeko sukaldian

 

Medeluzeko baserritarraz

Harro gaude Leintz aldian

ZORION BEROENA NARZISO

EHUN DA HIRUGARREN URTIAN

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.