Liztor beltzaren habia agertu dela-eta, kezkatuta

Dorletarako bidetik ikus daiteke egunotan Leintz Gatzagan atzeman duten liztor beltzaren habia. Hura ikusi bezain laster halako kasuetarako zehaztuta dagoen protokoloa martxan jarri, eta Gipuzkoako Diputazioari abisatu dio Leintz Gatzagako Udalak. Hasieran habia suhiltzaileek kenduko zutela pentsatu dute, baina ez da horrela izango; tiroka kendu beharko dute habia.

Argazkiek erakusten duten moduan, zuhaitz punta batean egin du habia liztor beltzak. Eta horrek ezinezko egiten du suhiltzaileen ohiko jarduna habia hori kentzeko. "Mendiko zaindariak kentzen ditu habiak halako kasuetan, tiroka", argitu dute suhiltzaileen bulegotik.

Hori horrela, zain da orain Leintz Gatzagako Udala, Gipuzkoako Foru Aldundiak jakinarazi behar dio-eta, noiz kenduko duten habia. Bien bitartean, "kontuz ibiltzeko" gomendioa egin gura die herrikide eta bisitariei udal ordezkariek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.